​Навбат АИ-92 бензинини қимматлаштиришга келдими? Аввалги ҳафтада монополист Ўзбекнефтегаз АИ-92 русумли бензин нархини босқичма-босқич пасайтириш ишлари олиб борилаётганини эълон қилганди. Юқори октанли ёнилғи нархларини босқичма-босқич пасайтириш стратегиясига амал қилишини эълон қилган монополистга кўра, И-92 русумли автомобиль бензини тоннасига: - Бухоро НҚИЗ нархи: 11 538 428 сўм; - Нефть базаси нархи: 11 789 678 сўмдан бўлиши керак. Бир тўда монополист ва олигархларнинг 80 шиптир ва пропан нархларининг сунъий равишда ошириши "махсус операцияси" тўхтамай давом этаётган бир вақтда 92 бензин ихтиёрдан ташқари ягона танлов бўлиб қолаётгани сир эмас. Лекин амалда 92 бензин нархи ошишда давом этмоқда. 1 ноябрь кунги савдоларда 92 бензин айрим битимларда 12,1 млн.сўмдан қимматга сотилган (биржа ўртача нархларни эълон қимлиб бормайди). Кеча ёпиқ кабинетларда яширинча хусусийлаштирилган UNG Petro шохобчаларида 92 бензин нархи 10 700 сўмгача кўтарилган (+200 сўм). 95 маркали бензин учун 13 900 сўм нарх қўйилган (+1 400 сўм). 80 шиптир эса доимгидек йўқ.