​Автокредит ўрнини микроқарзлар эгаллаган 2024 йилнинг 9 ойида аҳолига кредит ажратиш ҳажми ўтган йилнинг шу даврига нисбатан бироз (2,5%га) қисқарган ва 73,1 трлн.сўмни ташкил этган. Ўзи умуман чакана кредитлаш очиқ малъумотлар мавжуд даврдан буён биринчи марта қисқара бошлагани эътиборли. Бу чакана кредит бозорининг тўйингани билан боғлиқми ёки вақтинчалик динамика, яна кузатиш керак бўлади. Ўтган даврда шу пайтгача чакана кредитлашнинг асосий маҳсулоти бўлиб келган автокредитлаш 30,2 трлн.сўмдан 12,8 трлн.сўмгача, 2,4 каррага қисқарган. Лекин микроқарз ажратиш 20,8 трлн.сўмдан 31,9 трлн.сўмгача ўсган. Яъни, кутилганидек, автокредитлар ўрнини микроқарзлар эгаллаган. Сентябрда бироз ўсиш кузатилганига қарамай, ипотека ажратиш қисқаришда давом этмоқда. Таълим кредити ажратиш ҳам деярли 3 карра қисқарган.