Сентябрда автокредитлаш кескин қисқарган Сентябрда кредитлаш фаоллиги секинлашган, ой давомида банкларнинг кредит қўйилмалари 1,5%га ёки 6,9 трлн.сўмга ошиб, 451,6 трлн.сўмга етган. Лекин кредитлаш секинлашгани билан, жиддий таркибий ўзгаришлар юз берган. Хусусан, сентябрь ойида негизини автокредитлар ташкил кредитлар қолдиғи 1,8 трлн.сўмга ўсган холос. Бу августдаги ўсишдан 1,1 трлн.сўмга ёки 37,5%га камроқ дегани. Яъни Марказий банкнинг авж олиб кетган автокредит спекуляциясини тийиб туриш чоралари иш бера бошлаган. Яна бир қизиқ жиҳат, тадбиркорликни ривожлантириш учун ажратилган кредитлар қолдиғи 134 млрд.сўмга қисқарган. Бу ё янги тарихимиздаги энг расво лойиҳани молиялаштириш бюджетдаги муаммолар туфайли тўхтатилгани ёки банклар аввал ажратилган кредитларни ёппасига "списать" қилишни кучайтиргани билан боғлиқ. Ипотека кредитларини ажратиш бир маромда давом этмоқда. Сентябрда ипотнка қолдиғи 1,5 трлн.сўмга ўсган (августда 1,4 трлн.сўм). Шу билан бирга янги ўқув йили бошланиши билан таълим кредитларини ажратиш фаоллашган. Сентябрда таълим кредитлари қолдиғи 885 млрд.сўмга ўсган. Корпоратив кредитлаш сустлигича қолмоқда. Бутун ой давомида бизнесга ажратилган кредитлар қолдиғи 2,0 трлн.сўмдан кўпроққа ошган.