Япония халқаро ҳамкорлик агентлиги ва “Hamkorbank” ўртасида Ўзбекистонда микро, кичик ва ўрта корхоналарни қўллаб-қувватлаш лойиҳаси учун кредит шартномаси имзоланди
2023 йил 15 октябр куни Hyatt Regency меҳмонхонасида Япония халқаро ҳамкорлик агентлиги (JICA) “Hamkorbank” тижорат банки билан хусусий секторга 35 миллион АҚШ долларигача бўлган инвестицияларни молиялаштириш учун кредит шартномасини имзолади. Ушбу кредитдан тушган маблағлар кичик ва ўрта бизнесни молиялаштиришга йўналтирилади. Кредит Халқаро молия корпорацияси (ХМК) томонидан ривожланаётган мамлакатларда молиявий инклюзивликни яхшилашга ёрдам бериш учун 2023 йил май ойида бошланган 1,5 миллиард АҚШ доллари миқдоридаги қарз дастури бўлган Тезлаштирилган молиявий қўшилиш фонди (FAFI) орқали биргаликда молиялаштирилади.