Энергетика хавфсизлиги концепцияси нима бўлди? 2024 йил 25 декабрга қадар энергетика хавфсизлиги концепцияси ишлаб чиқилиши эълон қилинганди. Бугун 2025 йил 21 январь. Концепция ишлаб чиқилдими? Ишлаб чиқилган бўлса қани? Қаерда эълон қилинди? Ким билан ва қаерда муҳокама қилинди? Концепция ишлаб чиқилган бўлса, мамлакат иқтисодий ва сиёсий мустақиллигини хатарга қўяётган энергетик хатарлар аниқландими? Белгилаб олиндими? Мамлакат энергетикаси хавфсизлиги кимларнинг қўлида? Хатар яратаётганлар, бу орқали бюджет ўзлаштираётганлар ва уларнинг шериклари люстрация қилинадими? Қўлдан чиққан стратегик конлар, омборлар, улушлар, заводлар ўзбек халқи ихтиёрига қайтариладими, миллийлаштириладими? Энергетика бозори потенциал агрессорларга ва бир тўда олигархик гуруҳларга қарам бўлмаслиги учун нима қилинади? Диверсификация ва Рақобат мезонлари қабул қилинадими? Энергетика ва унга боғланган лойиҳалар, ресурс ва бюджет маблағлари тақсимловчиларни олигархик гуруҳлар томонидан коррупциялаштиришни тўхтатиш учун қандай чоралар кўрилади? Ва ўзи умуман қизил айиқларни асал ва асалари ҳимоясига қўйиш мумкинми?