"Инфляция даражаси прогноз параметрлардан ортиқ бўлмади" 2014 йил. Inflatsiya darajasi prognoz parametrlardan oshmadi. 2015 йил. Инфляция даражаси прогноз параметрлардан ортиқ бўлмади. 2016 йил. Инфляция даражаси прогноз параметрларидан ошмади. Тахминан 90-йилларнинг охиридан 2017 йилгача йил давомида Ўзбекистонликларга инфляция тўғрисида айни юқоридаги шаблонда, ҳеч қандай ишора ва маъно англатмайдиган ахборот бериларди (аввалги йилларда қоғоз газеталар, кейинроқ интернет орқали). Ўтган йил якунида инфляция қанча бўлганини фақат бир одам - Президент Каримов янги йилнинг феврали ўрталарида ўтадиган катта йиғилишда эълон қиларди. Унгача Статистика Давлат қўмитаси, Марказий банк ва Молия вазирлиги ўзаро Ислом Каримовга киритиладиган ва у киши ишониб қабул қиладиган рақамларни келишишарди. Узоқ вақт лавозимда ва танага яқин бўлган (Стругацкийлар тили билан айтганда "номаълум оталар"), турли идоралар ва кучларнинг биргаликда яшаб қолишида муҳим бўлган бу мураккаб бюрократик процессда гап бир жойдан чиқиши катта аҳамиятга эга бўлган. Январь ойи инфляциясини эълон қилишга "добро" бўлмапти, дейишганига эсга тушди.