Ерини "ўз ихтиёри билан" топширган фермернинг кредит ва қарзлари нима бўлади? Ҳужжатда бу ҳақда ҳеч бир ишора йўқ. Айтайлик, 100 гектар ери бор фермернинг 5 млрд.сўм қарзи бўлса, ернинг 80 гектари олиб қўйилса, қолган 20 гектар ер билан қандай қилиб 5 млрд.сўмлик мажбуриятлар қопланади, деган оддий саволларга балки "Қишлоқ хўжалигида ер ислоҳотларини амалга ошириш Лойиҳа офиси" жавоб берар, таклифлар киритар. Балки офис муваффақиятли ер ислоҳотларини ўтказган Польшага, Украинага, Эстонияга бориб тажрибаларни ўрганишар. Нима бўлгандаям, ҳужжат бўйича ижара ҳуқуқини аукционда сотишдан тушган маблағларнинг қайсидир қисми ернинг аввалги эгаси бўлган Фермерга берилиши ҳақида ҳеч бир гап сўз йўқ. Ҳужжатнинг 17-банди эса янада ажойиб мазмунга эга. Унга кўра,Рақобат қўмитаси ер участкаларини электрон онлайн аукционлар орқали сотишда нархларнинг асоссиз ошиб кетмаслиги бўйича таклифлар киритиши кераклиги кўрсатилган. Бутун дунёда аукцион савдоларидан мақсад қиммат сотиш эмасми? Ер қанча қиммат сотилса шунча яхшику. Айтинг, айтинг, ер ислоҳотиям энергетика ислоҳотига ўхшаб халқни қақшатадиган антиислоҳотга айланиб кетмасин.