Истиқболли лойиҳалар миллий агентлиги TEMU'га солиққа оид талаблар қўймоқда Ажойиб замонда ва маконда яшамоқдамиз. Истиқболли лойиҳалар миллий агентлиги 14 март куни Ўзбекистонда рўйхатдан ўтган TEMU' платформаси блокировкасини ечмоқчи эмас. Агентлик TEMU'дан ўтган давр учун ҚҚС тўлашни ва яна шунингдек, фискаль чек бериш учун солиқ органлари ахборот тизимлари билан интеграция қилишни талаб қилмоқда. Қизиқ тарафи, бу талабларни ҳатто Солиқ қўмитаси ҳам қўймаганди (қўмита музокаралар кетаётгани ҳақида маълум қилган). Албатта савол туғилади: Қачондан буён агентлик солиқчилик масаласи бўйича ҳам регуляторга айланиб қолди ва ким унга бу суперваколатни берди? Аввалроқ, янги қоидалар кучга кирмасдан туриб TEMU'ни блоклашда агентлик "Улар алоқага киришмади" деган важни кўрсатишганди, энди янги навбатдаги талаблар пайда бўлмоқда. Нима бўлгандаям, TEMU' ўтган давр учун солиқ тўлаши лозимлиги бу тўғри талаб. Мазкур талабни Истиқболли лойиҳалар миллий агентлиги 5 йил солиқ тўламай ишлаган Yandex Go' учун қўймаётгани қизиқ. Балки эртага эрталаб қўяр?