"Яшил" стандартлар баҳона навбатдаги божсиз тўсиқлар пайдо бўладими? Ҳужжатнинг 10-банди билан Техник тартибга солиш агентлигига ишлаб чиқарувчилар ва импорт қилувчилар учун технологиялар энергия самарадорлигининг "яшил" стандартларини жорий қилиш вазифаси топширилган. Бир қарашда жуда рационал топшириқ. Лекин бу топшириқни ким бажаради? Маҳаллийлаштириш ниқобидаги олигархларнинг лоббистига айланганларми? Ахир кўрдикку, энергосамарадорлик тестлари баҳонасида қандай зараркунандаликлар амалга оширилганини? Ахир кўраяпмизку, автомобилдан тортиб памперсгача импортни тақиқлаш ва истеъмолчилар танловини ўлдириб жазолаш учун қилинаётган ўзбошимчаликларни. Ҳа, "яшил" стандартлар керак. Лекин бу стандартларни турли тор манфаатлардан мустақил ва истеъмолчиларни талаётган чайқовчи олигархия билан аффилланиб кетмаган идоралар амалга ошириши зарур. Люстрация қилиниши керак бўлган агентлик эмас.