Нотариф чекловларига айланган энергосамарадорлик тестлари бекор қилиндими? Ўзэлтехсаноат уюшмасининг баёнот беришича, жорий йилнинг иккинчи чорагидан бошлаб, уюшма ҳузуридаги “Eltech-Lab” МЧЖда энергосамарадорлик бўйича (совиткич, музлаткич ва кондиционер) синов жараёнлари тўхтатилган. Бу жуда қизиқ. “Eltech-Lab” МЧЖда синов лабораториясини жиҳозлаш учун давлат бюджетидан ажратилган 25 млрд.сўм нима бўлди? Лаборатория синовларни тўхтатган бўлса, унга бюджетдан пул ажратишга не ҳожат? Монополистлар ва олигархия қўлидаги протекционизм инструментига айланган Техник тартибга солиш агентлиги маиший техникалар импортини чеклаш учун ўйлаб топган энергосамарадорлик тестлари талабини бекор қилдими? Ё маиший техникаларни тестдан ўтказиш ҳуқуқи бошқа лабораторияга олиб берилдими?