Тўхтатилган Шўртангаз-2'даги 100% улуш ArkChemical'да 40% улушга айланган Монополистнинг қўшма корхоналар ва уюшмалардаги инвестициялари бир йил ичида 1,7 каррага шишган ва 46,7 трлн.сўмга етган. Ўзтрансгаз билан боғлиқ қарз юклаш схемаси орқали Ўзбекнефтегаз 46,8%лик улушга эга бўлган бўлса, Шўртангаз-2 лойиҳасига тикилган қарз ва кредитлар 6,0 трлн.сўмлик қиймат билан ArkChemical'даги 40%лик улушга дўнган. Бу ажойиб тарихий схема ҳақида ўтган йилиёқ ёзган эдик. Энди бу аудиторлик ҳисоботида расман тасдиқланган. Лойиҳадаги қолган 60% улуш, уч уринишда эмас, бир уринишда топишингиз мумкин, Saneg назоратига ўтган. Эсингизда бўлса, "ArkChemical" МЧЖдаги улушларнинг олди-сотдиси бўйича Рақобат қўмитаси юрак ютиб, "Sanoat Energetika Guruhi Enera" МЧЖга қарши иш ҳам қўзғаганди. Ўзбекнефтегазнинг ArkChemical'даги 40%лик улушининг кейинги тақдирини диққат билан кузатишда давом этамиз.