Афғонистон тадбиркорлар учун муҳим йўналишга айланмоқда Ўзбекистон бизнес муҳитидаги турлича синов ва чақириқлар тобора кучаймоқда. Шу шароитда енгилроқ имконият излаётган тадбиркорлар Афғонистон йўналишини танламоқда. Обуначилардан келган ушбу видеодан ҳам кўриниб турибдики, ўзбек тадбиркорлари афғон бозорида тобора фаоллашмоқда. Бу тасодиф эмас. Афғонистонда бозор очиқ. Мижозлар ўзбек молларини сифатли дея ҳурмат қилади. Бизнес муносабатлари содда, жайдари, лекин самарали. Энг муҳими — одамгарчилик бор. Савдо қилган одам қадрланади. Бу эса тадбиркор учун нафақат даромад, балки муносабат масаласи ҳамдир. Қаерда имконият кўринса, ҳаракат ҳам ўша томон.