НКМК 2024 йилда 7,2 млрд.доллардан кўпроқ олтин сотган НКМК ўтган 2024 йилда Марказий банкка 7 258 млн.долларлик олтин сотган. Бу 2023 йилдагидан (5 708 млн.доллар) 27 фоизга кўп. Маълумот учун, Марказий банк НКМКдан ташқари яна ОКМКдан ҳам бир неча юз миллион долларлик олтин сотиб олади. Ўтган 2024 йилда Ўзбекистон 7 480,6 млн.долларлик олтин экспорт қилган. Марказий банк захираларидаги олтиннинг физик ҳажми 306 минг унцияга кўпайган. Айни пайтда Компаниянинг Конлар ва фойдали қазилмаларга бўлган ҳуқуқларининг қиймати юқори суръатда камайишда давом этмоқда ва ўтган йил давомида 3 529 млн.доллардан 3 044 млн.долларгача тушган (2022 йил якунлари бўйича 4 007 млн.доллар эди).