2021 йил 31 сентябргача! Хорижда ишлаб чиқарилган истеъмол товарларини истеъмол кредити орқали сотиб олишга рухсат бериш учун белгиланган муддат шу! "Яширин иқтисодиёт" улушини қисқартириш чора-тадбирлари тўғрисидаги Ҳукумат қарори ҳақида тасаввур қилиш учун шу банднинг ўзи кифоя. Қарорда Ўзбекистонда яширин иқтисодиётнинг асосий манбаи - ўғри чиновникларнинг мол-мулки ва даромадлари, харажатлари декларацияланиши, уларнинг активлари ва битимларини битта СТИР киритиб аниқлаш ва назорат қилиш, йирик харидлар қилганида даромадлар манбаини кўрсатиш, давлат амалига тайинланганида бошқарувдаги активларни сотиш ёки кўр трастга топшириш, аукцион, конкурс ва очиқ савдоларсиз давлат активларини топшириб юборганлик учун жавобгарлик белгилаш, ишончли бошқарув деб ниқобланган ўзлаштиришларга чек қўйиш, ҳукумат ҳужжатларини коррупцион экспертизадан ўтказиш ёки ҳеч қурса дронларлардан фойдаланишни эркинлаштириш механизмлари ўрин олган деб ўйласангиз қаттиқ янглишасиз. Бошқа замонда, бошқа маконда.