Нега пудрат қироллари қарз бозорига чиқишмайди? Шу саволни халқаро рейтинг агентликлари ва улфати чор ошхўр консультантлар ўзларига бериб кўришлари керак. 5-6 йилдирки, қарз олувчилар давлат компаниялари ва давлат бонкалари, қарзни ўзлаштирувчилар эса пудрат қироллари. Шунақа таассурот уйғонадики, қайси давлат компанияси ва давлат бонкаси қанча қарз олиши кераклигини пудрат қиролларининг ўзи схемасини чизиб, қарз олиш ҳақида топшириқ беради. Қарз давлат компанияси, давлат бонкаси бўйнига, мазаси пудратчи чўнтагига. Нимага ёқилғи энергетикасидан тортиб металлургиягача, бурғулашдан омборларгача барча мегалойиҳаларни тендерсиз ва ёпиқ қарорлар билан эгаллаган шу кипрликми, гонконгликми ё швейцариялик инвесторлар ўзлари қарз бозорига чиқмайди? Ойлаб ойлик тўлай олмаётган беш-олти ҳарфли контораларини, из йўқотиш учун қайта-қайта номи алмашадиган ширкатларини консолидация қилсин, аудитдан ўтказсин, бенефициарларини очсин, роуд шоулар, инвесторлар билан учрашувлар қилсин. Кўрайлик-чи, кимдир уларга бир цент қарз берармикан, берса, қанчадан бераркин? Бир ўрганинглар. Ҳа, мабодо, жавоб тополмасангиз, хосларга беринг саволингизни, кулуарларда қулоғингизга шивирлаб айтишади.