Мен учун жудаям қизиқ Бутун дунёда нормал инвесторлар масалан мажбурий меҳнат, зўравонлик, инсон ҳуқуқларининг бузилиши ва диктат билан боғлиқ компаниялар ва давлатларнинг қарз қоғозларини сотиб олмайдилар. Ўзини ҳурмат қилган биржалар (площадкалар) бизнес амалиётида зўравонлик ва диктатга асосланган эмитентлар қоғозларини жойлаштиришга жой бермайдилар ҳам. Масалан, мамлакатнинг қонунларига зид равишда, махфий протоколлар асосида бож тўламасдан, автомашина олиб келиб сотадиган чайқовчи компаниянинг облигацияларини ким сотиб олади? Тор доиралар манфаатлари учун харидорларни жазолайдиган тақиқловчи бож тизимини яратган компания ҳамкорига айланиш ва у билан оқибатларни бўлишишга тайёр инвесторлар наҳотки топилса? Исталган мустақил суд ва босимга учрамаган антимонополия органи бу зараркунандалик ва феодал ҳуқуқни бекор қилишини инвесторлар билмайдими? Автомашина олиш учун 6-9 ойлаб кутиш тизимини, ўзи йўқ машинага 85% олдиндан тўлов диктатини яратган, кутишни қисқартириш учун харидорлар коррупцион элементларни ишга солишга мажбур қилинадиган компаниянинг қарз қоғозларини сотиб олаётган инвестор бу ишларга шерик бўлишини тушунадими? Харидорларнинг келиб чиқиши, хорижга қулай, мамлакат ичида дискриминацион нарх ва шартлар ўрнатган компаниянинг қоғозларига эгалик қилиш билан қайси инвестор шарафли бўлади? @the_bankiroff