Бепул счетчик йўқ, унинг қийматини барибир биз истеъмолчилар тўлаймиз, балки каррасига қиммат тўлаймиз Тошкент шаҳар сув таъминоти АЖ 670 минг абонентга ақлли дейилган сув ҳисоблагичларини ўрнатмоқчи. Компания тарқатган хабарда счетчиклар бепул экани таъкидланган. Мана шу жойи ҳам хавотирли, ҳам қимматли. Лекин электр ва газ билан боғлиқ "ақлли счетчиклар" ўрнатилиши тажрибасидан келиб чиқилса, счетчиклар асло бепул эмас, маълум вақт ўтиб, хусусан, тарифларнинг каррасига қимматлашиши билан тўлов, балки товон тўланишига тўғри келишини айтиб кетиш керак бўлади. Бепул дейилган газ счетчиклари неча карра қимматлаштирилгани эсдан чиқарганимиз йўқ. Батарейкаси ўтираётган счетчикларни куз келса, яна эслаймиз. Бепул дейилган электр счетчиклари қанчага тушганини ва унчалик ҳам ақлли чиқмаганини унутганимиз йўқ, тўғрими? Шундай экан, Бепул дейилаётган 670 минг дона сув счетчикнинг қиймати очиқланиши керак (ҳатто донорлар бераётган бўлса ҳам). Интернет замонида, глобал ва очиқ ахборот маконида яшаяпмиз, билишга, солиштиришга, сўрашга ҳақлимиз.