Зарарсиз экан Энергетика вазирлиги Мўйноқдаги газ сизиб чиқаётгани ҳолати бўйича қудуқ аҳоли яшаш жойидан узоқда ва газ таркибида олтингугурт йўқ бўлган тоза метан ҳисобланишини маълум қилмоқда. Қудуқ бўйича буюртмачи ва бурғуловчи пудратчиси номи келтирилмаган. Лекин воқеа жойига “Ўзбекнефтгаз” АЖ Бошқарув раиси бошчилигидаги Жамиятга қарашли “Очиқ нефт ва газ фаввораларини олдини олиш ва бартараф этиш  бўйича Ўзбекистон ҳарбийлаштирилган қисмининг Марказий ҳарбийлаштирилган назорат отряди”, Фавқулодда вазиятлар вазирлиги, “Ўзбекгеофизика” АЖ ҳамда маҳаллий ҳокимият мутасаддилари етиб боргани қайд қилинган (Бойсундаги аварияда ҳам шу ташкилотлар етиб борганди, буюртма ва пудратчилар номи келтирилмаган ҳолда). Фавқулодда вазиятлар вазирлиги ҳозирча ҳодиса бўйича ахборот тарқатмаган.