Чиқинди йиғиш ўзбекча ДХШ келишувларининг яна бир юзи Эртадан бошлаб чиқиндидан қарзи борлар электр токи учун тўлов қилолмайдиган амалиёт ишлай бошлайди. Тизим тўлиқ инвентаризациядан ўтказилмай туриб, бундай тажриба тескари натижа бериши тўғрисидаги хавотирларга расмийлар эътибор беришгани йўқ. Кўпчилик ҳатто билмаса керак, ўнлаб туманларда чиқинди ташиш пул талаб қилишни қойиллатадиган, лекин хизмат кўрсатишни пайсалга соладиган, ДХШ битимлари асосида дордан қочган хусусий шерикларга топширилган. Кунўз чиқинди тўловларини электр энергиясига боғлаш тизими ишга тушиши арафасида турли манзиллардаги истеъмолчилар билан гаплашган. Қизиғи, содда ватандошларимиз чиқинди хизмати учун ойлаб келмайдиган машиналар бир ойда икки марта келишига ҳам рози. Белгиланган қоидалар бўйича маиший чиқиндиларни олиб чиқиб кетишнинг минимал даврийлиги якка тартибдаги турар жой секторидан «сигнал» усулида — уч кунда бир маротабани ташкил этиши керак. Кўриш учун. Ўқиш учун.