Энергетик муаммолари ечилмаётган Тошкентга яна 2 трлн.сўм берилади 2023 йилнинг аномал қишидан бир амаллаб чиққан Ўзбекистон ва пойтахт Тошкент учун алоҳида дастур қилинганди. 2 йил аввал энергетика тизимини модернизация қилиш учун 14 трлн.сўм, хусусан Тошкент шаҳри электр энергияси таъминотини яхшилаш учун 3,6 трлн.сўм маблағлар ажратилган. Афсуски, давлат маблағлари ва яна мисли кўрилмаган квази молиялаштиришга қарамай пойтахтда аҳвол мураккаблигича қолмоқда (тизим на совуққа, на иссиққа, на ёмғирга ва на қорга бардош бера олаяпти). Маълумот учун ўша машҳур ва ҳалигача боши авариядан чиқмай таъмирланаётган Сағбон подстанцияси ҳам шу дастурга қўшилган. Энди пойтахт энергетикаси барқарорлигини таъминлаш учун яна 1,8 трлн.сўм йўналтирилади (сўзчилардан бирига кўра, 2 трлн.сўм). Хусусан, шу йилнинг ўзида 374 километр тармоқ, 11 нимстанция ва 62 трансформаторни янгилаш режалаштирилиши айтилмоқда. Режа бўйича барча ишларни 1 ноябргача якунлаш топширилган. Эндиям ўзгаришлар бўп қолар.