Сағбон подстанциясида созлаш-таъмирлаш ишлари ҳали давом этар экан Энергетика вазирлиги Олмазор ва Тошкент туманларидаги 20 мингга яқин истеъмолчига электр энергиясини тақсимловчи Сағбон подстанциясидаги трансформаторларнинг алмаштириш ва ремонт ишлари давом этишини ва босқичма-босқич амалга оширилаётганини маълум қилмоқда. Созлаш-таъмирлаш ишлари қачонгача давом этиши ва якунланиши борасида баёнотда аниқ маълумотлар ёки режа график қайд этилмаган. Маълумот учун подстанцияни реконструкция қилиш кўрсатиб ўтилган Президент қарорида "Сағбон" подстанциясини реконструкция қилиш учун 62 млрд.сўм маблағ ажратилганлиги ва бунда қурилиш монтаж ишлари 2023 йил 4 июнда якунланиши аниқ белгилаб қўйилган. Бугун 5 июнь. Эртага, 6 июнь куни эълон қилинганидек, яна таъмирлаш ишлари давом эттирилади. Баёнот ишораларига кўра, бу охирги таъмирлаш ишлари эмас.