Қирғизистонда гўшт нархи устидан давлат назорати ўрнатилмоқда Қўшни қардош Қирғизистонда марказлашув ва давлатнинг иқтисодиётга фаол аралашуви эски Ўзбекистон реалликларини эслатмоқда. Бугундан қўшнилар суякли мол гўшти ва суякли қўй гўшти нархига давлат назорати ўрнатмоқда. Нархларнинг чекланиши ҳозирча 90 кунга белгиланган. Бу ёмон тажрибани Ўзбекистон нолинчи ва ўнинчи йилларда кенг қўллаган, лекин фақат тескари натижалар олган. Бундай тажриба яқинда ҳам Марказий Осиёнинг энг эркин бозор мамлакати ва гўшт макони бўлган Қирғизистонда юз бераётганига ишониш қийин. Замоннинг зайлини қарангки, бу хато иш эканини эслатадиган йўқ, аксар ОАВлар (1, 2, 3) ҳукумат риторикасини такрорламоқда. Мамлакатда охирги йилларда ва айниқса охирги ойларда медиа устидан назорат қаттиқлаштирилган.