Кўргулик: Сағбондан узилиб, Қизғалдоққа тутилиб Ваъда қилинган август келганига қарамай, шонли Энергетикларнинг Тошкент тумани аҳолиси устидан энерготажрибаси тугагани йўқ. Машҳур Сағбон подстанциясидан узилган ҳудуд 13-14 август кунлари Қизғалдоқ подстанциясига уланиш жараёнида 2 кун кетма-кет, 13 соатдан светсиз ўтирган (сувсиз ҳам албатта). Яхши бўлиб кетади мана, деган умид билан. Йўқ, чучварани хом санапмиз. Қизғалдоққа уланган ҳудудлар бугун ҳам яна 12 соат светсиз қоладиган бўлаяпти ва анонсларга кўра, бу охири эмас.