Ўзбекнефтегаздан солиқ тушумлари 2 йилда учдан бирига қисқарган 2025 йил 1- ярим йилликда Ўзбекнефтегаз тўлаган солиқлар ҳажми бўйича ниҳоят 2024 йилнинг тегишли даври даражасига чиқиб олган. Монополист жорий йилнинг 6 ойида 1 875,3 млрд.сўм солиқ тўлаган. Лекин бу миқдор 2023 йилнинг тегишли даврига (2 711,4 млрд.сўм) нисбатан 31%га кам. Ўзбекнефтегазнинг боласи - космосдан кўринадиган, йилига 2 трлн.сўм солиқ тўлайди деб ясалган ҳайкал Uzbekistan GTL тўлаган солиқлар 230,1 млрд.сўмдан 148,9 млрд.сўмгача тушиб кетган (-35,3%). 2 йил аввал 173,5 млрд.сўм солиқ тўлаган, "хусусийлаштирилган" Фарғона нефтни қайта ишлаш заводи рўйхатдан умуман тушиб қолган. ТОП-20та ишлаб чиқарувчи корхоналарнинг тўланган солиқлардаги улуши 2 йилда 41,8%дан 21,1%гача пасайиб кетган. Fiskal tahlillar канали ТОП-20 солиқ тўловчиларнинг товар айланмаси ва солиқ имтиёзлари тўғрисидаги маълумотларни беришни тўхтатган.