Ўзбекнефтегаз тўлаётган солиқлар учинчи йилдирки, кескин қисқариб бормоқда Энергетика вазирлиги "Ўзбекнефтегаз солиқ тўловчилар орасида етакчи" дея “хушхабар” тарқатмоқда. Билмаган, солиштирмаган одам "ҳа, зўр ишлаяптийкан, қойил" дейишиям мумкин (92 бензин нархи арзонлади, дейишгани эсингиздами ёки тинимсиз тушаётган газ қазиб олишни фалончага етказдик дея лоф уришгани-чи). Лекин монополист Ўзбекнефтегаз учинчи йилдирки, тўлаётган солиқлари кескин қисқариб бормоқда (ўзи қисқариш анча олдин бошланган, лекин расмий очиқ маълумотлар йўқ). 2025 йилнинг 7 ойида Ўзбекнефтегаз Энергетика вазирлиги мақтаётганидек, 2 151 млрд.сўм солиқ тўлаган бўлса, 2024 йилнинг шу даврида тўланган солиқлар 2 290,7 млрд.сўмни, 2023 йилнинг шу даврида 3 019,6 млрд.сўмни ташкил этган. Бошқача айтганда, Ўзбекнефтегаз солиқ тўловлари кескин қисқаришда давом этмоқда (охирги 2 йилда қарийб 30%га). Сабаби нелигини балки Энергетика вазирлиги айтар?