Ўзбекистонда ногиронлиги бўлган мактаб ўқувчилари учун ижтимоий такси яна 11 шаҳарга кенгайтирилди Эслатиб ўтамиз, ушбу пилот лойиҳа илк бор 2025 йил баҳорида Тошкент, Самарқанд ва Андижон шаҳарларида ишга туширилган эди. Эндиликда рўйхатга яна Бухоро, Қарши, Фарғона, Урганч, Қўқон, Жиззах, Наманган, Навоий, Нукус, Гулистон ва Хива қўшилди. Яъни ҳозирги кунда хизмат 14 та шаҳарда мавжуд. Давлат ҳар бир бола учун транспорт харажатларини ойига базавий ҳисоблаш миқдорининг 1,2 баравар миқдорида — яъни 494 400 сўм миқдорида компенсация қилади. Бу миқдор сафар нархининг 60% ёки 100% қисмини қоплаб бериши мумкин — бу фарзандга берилган имтиёз турига боғлиқ. Сафарларни Yandex Go иловаси орқали буюртма қилиш мумкин. Илова орқали махсус опциялар мавжуд: “Ногиронлар аравачасида бўламан”, “Машина топишга ёрдам керак”. Ҳайдовчи бу ҳақда олдиндан хабардор қилинади ва ёрдам кўрсатишга тайёр бўлади. Илова бу хизматдан ҳеч қандай даромад олмайди — хизмат комиссия олмайди. Давлат томонидан ажратиладиган барча маблағ тўғридан-тўғри ҳайдовчиларга берилади. Бу — давлат ва бизнес ҳамкорлигидаги муваффақиятли ташаббуслардан бири бўлиб, ногиронлиги бўлган фарзандлари бор оилалар учун кундалик ҳаётни енгиллаштиради. Айтиш мумкинки, бу шунчаки транспорт эмас — бу ҳар кунлик реал ёрдам. Манба: https://t.me/kunuzofficial/162643