2 триллион сўм солиқ тўлайди, дейилган Uzbekistan GTL қани? Ишлаб чиқариш корхоналари рўйхатида ёқилғи-энергетикадаги давлат компанияларида солиқ тушумлари пасайиши тўхтамаган. Ўзбекнефтегаз, Бухоро нефтни қайта ишлаш заводи, Uz-Kor Gas Chemical МЧЖ, Issiqlik elektr stanstansiyalari АЖда солиқ тушумларининг қисқариши давом этаётган бўлса, 4 млрд.долларга тушган ва йилига 2,0 трлн.сўм солиқ тўлайди дейилган Uzbekistan GTL рўйхатдан қайтмас бўлиб чиқиб кетган кўринади. Ишлаб чиқарувчиларнинг ТОП 20талигида жами солиқ тушумлари ўтган йилнинг 8 ойи билан солиштирганда деярли ўсмаган. Айни вақтда ҚҚСдан тушумлар 3,8 трлн.сўмдан 3,2 трлн.сўмгача, фойда солиғи тушумлари эса эса 1,2 трлн.сўмдан 1,1 трлн.сўмгача, мол-мулк солиғидан тушумлар 454,8 млрд.сўмдан 311,6 млрд.сўмгача қисқарган. Вазиятни якунда истеъмолчилар тўлайдиган акциз солиғи қутқарган, ўтган йилнинг шу даврига солиштирганда тушумлар 2,4 трлн.сўмдан 3,2 трлн.сўмгача ошган.