Ўзбекнефтегаз ва UzAuto Motors солиқ тушумлари қисқаришда давом этмоқда 2025 йилнинг 11 ойи якуни билан Топ 20 солиқ тўловчиларнинг солиқ тушумлардаги улуши 20,8%га тушган (2024 йилнинг шу даврида 41,4%). Энг йирик солиқ тўловчилардан Ўзбекнефтегаз тўлаган солиқлар 4 024,5 млрд.сўмдан 3 438,6 млрд.сўмгача, UzAuto Motors тўлаган солиқлар эса 3 251,3 млрд.сўмдан 1 883,6 млрд.сўмгача қисқарган. Топ-20 йирик солиқ тўловчилар рўйхатидан Фарғона нефтни қайта ишлаш заводи (2024 йил 11 ойда 369,8 млрд.сўм солиқ тўлаган), Тошкентвино комбинати (368,0 млрд.сўм), Ўзбекистон Металлургия комбинати (332,6 млрд.сўм), Uz-Kor Gas Chemical МЧЖ (275,9 млрд.сўм), Artel Electronics Manufacturing МЧЖлар (215,8 млрд.сўм) бутунлай тушиб қолган.