Эртага тадбиркорлар ҳайратланадими? Давлат раҳбари билан мулоқотга тайёргарлик доирасида июнь ойидан бери тадбиркорлар иштирокида 19 та учрашув ўтказилган. Ушбу учрашувларда 6,5 мингдан ортиқ тадбиркор иштирок этгани ва улардан 500 дан зиёд таклиф ва илтимос йиғилгани расман эълон қилинган. Ҳозирча ҳаммаси рисоладагидек. Энди масала мана шу таклифларнинг қанчалик реализация қилинишида. “Сизнинг ҳеч қайси муаммоингиз қолиб кетмайди, ҳаммаси ҳукуматга етказилади”, дея Даврон Ваҳобов номидан янграган ваъдалар ҳали эскиргани йўқ. Қисқаси, эртанги кун кўпчилик учун синов. Ваъдалар “баландпарвоз гап” бўлиб қоладими ёки муаммоларни ечадиган реал ҳужжатга айланадими, тадбиркорлар шуни кутмоқда. Чунки сўнгги йилларда номенклатура орасида муаммоларни яшириб, тадбир ва презентацияларда идеал картинка яратиш “ҳунари” урф бўлиб қолди. Бизнесда энг кераклиси ва биринчи нарса ишонч. Тадбиркорларимиз қалбида ёндирилган умидлар сўнмасин, ишонч йўқолмасин. P.S. Айтишларича, тадбиркорларнинг таклифларига таяниб, катта ҳужжат тайёрланмоқда.