​Истеъмол кайфияти тунд: Кредит олишни режалаштираётганлар камайган Марказий банк 2- чорак якунлари бўйича Истеъмол кайфияти шарҳиини тақдим этган. Ҳисобот чорагида истеъмол кайфиятини белгиловчи барча субиндекслар (даромад, харажат, кредит ва жамғариш) ўтган чоракка нисбатан ёмонлашган. Хусусан, кредит субиндекси 0,9 банга пасайиб, 66,4 бандни ташкил этган. Келгуси 12 ойда кредит олишни режалаштираётганлар улуши 2,2 фоиз бандига камайиб, 56,5 фоизга тенг бўлган. Келгусида кредит олишни режалаштираётганлар улуши кам ва ўрта даромадлилар (7 млн.сўмгача) сегментда камайган. Барча жавоб тоифаларида кредитга талаб шаклланишининг бош сабаби уй-жой таъмири бўлиб қолмоқда. Кейинги ўринларда таълим ва даволаниш.