​Кредит олишга талаб кам даромадли қатламларда ошмоқда 2026 йилнинг I чорагида аҳолининг истеъмол кайфиятида яхшиланиш давом этган. Истеъмол фаоллигини барча субиндексларнинг ўсиши белгилаган. Даромадлар субиндекси учинчи чорак кетма-кет ўсмоқда, харажатлар субиндекси уч чораклик танаффусдан кейин яна жонланган. Кредит субиндекси иккинчи чорак кетма-кет ўсган. Ўсишни қуйи (3 млн.сўмгача) ва паст (3-7 млн.сўм) даромадликларнинг кредитга талаби юқорилиги таъминлаган. Юқори даромад эгаларининг кредит олишга талаби нейтрал ва манфийлигича қолмоқда. Кредитга талабнинг мазмунини уй-жой таъмири, таълим ва даволаниш харажатлари белгиламоқда. Жамғариш индекси ҳам ўтган чоракдаги манфийликдан кейин яхшиланган. Лекин жамғармаси йўқлар улуши 40%дан юқорилигича қолмоқда.