​Гўшт улгуржи нархининг максимумлари кескин кўтарилган Иқтисодиёт ва молия вазирлигининг бугунги маълумотларига кўра, 17 сентябрь билан солиштирганда Эски Жўвада мол гўштининг максимум нархлари 98 минг сўмдан 115 минг сўмгача, қўй гўштининг максимум нархлари 105 минг сўмдан 120 минг сўмгача кўтарилган. Янги максимумлар қайси тоифадаги гўштларга оидлигига аниқлик киритилмаган. Шунингдек, ҳаво ҳарорати салқинлашиши билан булғор қалампири 20 минг сўмдан 30 минг сўмгача, помидор 12 минг сўмдан 14 минг сўмгача, бодринг 7 минг сўмдан 8 минг сўмгача ошган.