Гўштнинг қимматлашиши тезлашган 9-16 сентябрь ҳафтасида энг юқори қимматлаган маҳсулот помидор бўлиб қолган (+3,2%). Айни ҳафтада мол гўшти нархи 0,9%га, қўй гўшти нархи 0,7%га ошган. Энг қиммат мол гўшти Тошкент туманида (135 526 сўм), энг қиммат қўй гўшти эса Қарши шаҳрида (152 308 сўм) қайд этилган. 18 сентябрь куни ва кеча гўштнинг улгуржи нархида ҳам навбатдаги сакраш кузатилган. Бунда мол гўшти 112 минг сўмгача (+2 минг сўм), қўй гўшти 129 000 сўмгача (+4 минг сўм) қимматлаган. Таҳлил қилинган ҳафтада муҳим озиқ-овқатлардан картошка (+3,0%), тухум (+2,8%), сабзи ва пиёз (+0,6%) сезиларли қимматлаган.