"Бюджетда пул йўқ" деган баҳона билан Уйига қуёш панел қўйиб тармоққа ортиқча электр энергияси узатаётган истеъмолчиларга ҳақ тўлаш кечикиши одатий ҳолга айланган. Аввалига бир неча кунга, кейин бир неча ҳафтага чўзилган тўловлар, энди ойдан ойга ўтмоқда. Шикоятларга жавоб сифатида "Бюджетда пул йўқ", деган баҳона ишлатила бошланган. Назаримда, энергосамарадорлик сиёсатига қарши қарши бундан ортиқ антиреклама бўлмаса керак (худди панелга мажбурлаш антиреклама бўлгани сингари, қуёш панели ўрнатиб, тармоққа ортиқча ток узатганларга кафолатланган тўловларнинг амалга оширилмаслиги ҳам шунақа тескари тарғибот ролини ўйнайди). Панел қўйганлар ёзмоқда: “Маслаҳат сўраганларга аввал роса астойдил самарадорликни тушунтирган бўлсам, хозир ўзим афсуслана бошладим, пули чиққунича бир йил кечикиб кетсаям додимизни айтадиган ва эшитадиган ташкилот борми деган саволга ўзимда жавоб йўқ". "Масалан, охирги икки ойдаги кечикиш сабабли мен ўзимдаги 35 кВт ни 50 кВт га кўтариш, ота-онам уйига ҳам 50 кВт станция қўйиш фикримдан қайтдим”. "Энергоқарамликка карши ҳисса қўшай, деган ватанпарварлик хисси билан қўйгандим ва бошқаларни ҳам кўп даъват қилардим. Сартарошим қўймоқчи эди. Кредит обераман қўй, деб тургандим. Тўхта, вазият "не то" деб тўхтатдим"