ФинТех ассоциацияси насия савдо учун чўнтак регуляторга айланадими? Насия савдо бозори иштирокчиларининг Аҳлоқ кодекси лойиҳаси муҳокама учун тақдим этилмоқда. Кодексдан мақсад истеъмолчилар ҳуқуқлари ва қонуний манфаатларини ҳимоя қилиш, аҳолининг қарз юки даражаси ошиб кетиши хавфини камайтириш, бозор иштирокчилари орасида соғлом рақобат муҳитини яратиш ва молиявий деб белгиланган. Кодекс билан насия савдо ташкилотлари учун Ишонч белгиси олиш талаблари қўйилмоқда. Лекин Ишонч белгисини олиш ФинТех ассоциациясига аъзо бўлиш мажбурияти билан боғланмоқда (шу жойи жуда баҳсли ва анча эътирозли). Нима учун насия савдочилар Ишонч белгисига эга бўлиши учун ФинТех ассоциациясига аъзоси бўлиши талаби (аъзолик учун 12 млн.сўм ёки 1 200 доллар тўлаш керак) ва хулосаларни ҳам айни шу НТТга топширилиши тушунарсиз. Буям етмагандек ФинТех ассоциацияси инсофсиз бозор иштирокчилар реестрини юритади. Фақат рус тилида (ўзбекча гапирса томоғи оғрийдиганлар бўлса керак) юритиладиган Финтех ассоциацияси сайтига кўра, ННТнинг тўрттагина аъзоси бор, улардан биттаси Uzcard, иккинчиси Uzinfocom. Аҳлоқ кодексининг матн варианти мавжуд эмас (фақат презентация кўринишида). Агар рақобат принципларига мутлақо зид бўлган, истиқболда насия савдо бозорининг сунъий концентрациясига ва навбатдаги қонунсиз регулятор ясалишига олиб келадиган Финтех Ассоциациясига ихтиёрий-мажбурий аъзо бўлиш билан боғлиқ талаблари олиб ташланса, қабул қилса бўлади. Барака топгурлар, агар қанақадир чўнтак Финтех Ассоциациясини бозор регуляторига айлантирмоқчи бўлсангизлар, буни қонун билан амалга ошириш керак. Ҳатто матни йўқ аҳлоқ кодекси билан эмас. Кодекс бўйича эътирозларни abdujalilovz@cbu.uz манзилига юбориш сўралган.