Қуёш панелларидан узатилган электр энергияси учун аҳоли ва бизнеснинг ҳақи нега тўланмаяпти? Афсуски, қуёш панелларини ўрнатган аҳоли учун (50 киловаттгача) ҳам, бизнес учун ҳам (1 МВтгача) ҳақини ундириш доимий ва тизимли муаммога айланиб бўлди. Расмийлар аҳолиниям, бизнесниям исталган кўйга солиш мумкин деб ҳисоблаётганга ўхшайди. Қизиқ, энергокорчалонларимиз шу каби ўзбилармонликни йирик генерация лойиҳаларида ишлаётган хорижлик инвесторларга ҳам қилишадими ёки балогардон доимгидек ўзбекистонликларми? Кунўз студиясида шу ҳақда гаплашдик. Кўриш учун. Ўқиш учун. Дарвоқе, турли валломатларнинг "қуёшли хонадон" доирасида тўлашга "бюджетда пул йўқ" деган важ ва баҳоналари қип-қизил ёлғон. 2026 йил июнь ойи давлат бюджети даромадлари харажатларидан 1,8 трлн.сўмга ортиғи билан ижро қилинган. P.S. Ушбу пост ёзилаётган дақиқаларда "Қуёшли хонадон" орқали тармоққа электр узатаётган ватандошлар апрель ва май ойлари учун қарздорликни ёпиш бошланганини маълум қилишмоқда. Лекин тадбиркорлар қуёш панелларидан узатган электр энергияси учун ярим йилга етаётган қарздорликларни сўндириш борасида ҳали ўзгаришлар йўқ. Эҳтимолки, муаммо Давлат раҳбарига етиб бормагунча, бизнесда ишончсизлик яратаётган валломатлар жазосини олмагунча, узил-кесил ечилмайди.