Телефон импортидан 2025 йилда 1,1 трлн.сўм бож ундирилади, бу жами йиғиладиган божнинг 10%и Божхона қўмитаси бошқарма бошлиғи Фарҳод Олимжоновга кўра, 2025 йилнинг ўтган даврида импорт қилинган телефонлардан 845 млрд.сўм бож ундирилган. Йил охиригача бу сумма 1,1 трлн.сўмга етади. Маълумот учун, 2025 йил бюджети бўйича жами 11,5 трлн.сўм бож ундирилиши белгиланган, яъни фақат телефоннинг ўзидан ҳукумат жами божнинг 10%ини ундирмоқчи. Олимжоновга кўра, сентябрь ойида 95% импорт телефон расмий импортчилар томонидан олиб кирилган, қолган 5%и жисмоний шахслар тарафидан ўз эҳтиёжлари учун. Лекин божхона расмийси ундирилаётган божларнинг қанчаси расмий импортчилардан (юридик шахслардан), қанча қисми жисмоний шахслар, ундирилаётганига аниқлик киритмаган. Маълумот учун, расмий импортчилар телефон импорт қилганида 10% импорт божи тўлайди (агар импортчи яширин қарорлар билан имтиёз олмаган бўлса). Жисмоний шахслар четдан телефон олиб кирганида, "2-3 кун қонунига" кўра, 1 000 доллардан ортиқ қисмига 30% ва яна 103 минг сўм бож тўлайди.