​Кузатилмайдиган иқтисодиёт улуши пасаймоқда, лекин юқорилигича қолмоқда 2025 йил 9 ойида яратилган 1 303,7 трлн. ЯИМнинг 33,3%и ёки 433,7 трлн.сўми кузатилмайдиган иқтисодиёт ҳисобига тўғри келади (ўтган йилнинг тегишли даврида 357,5 трлн.сўм ёки ЯИМнинг 35,2%и бўлган). Шундан норасмий иқтисодиёт ҳажми 333,8 трлн.сўм (ЯИМнинг 25,6%и), яширин иқтисодиёт ҳажми эса 99,9 трлн.сўмдан иборат (ЯИМнинг 7,7%и). Хизматлар, қурилиш ва саноатда кузатилмайдиган иқтисодиёт улуши секинлик билан бўлсада, қисқармоқда. Лекин қишлоқ хўжалигида ортишда давом этмоқда (69,4%, +1,7 фоиз банд). Яширин иқтисодиётнинг энг катта улуши хизматлар соҳасида ва 13%ни ташкил этмоқда (ўтган йилнинг шу даврига нисбатан ўзгармай қолган). Қурилишда яширин иқтисодиёт улуши 9,1%дан 9,4%гача ўсган. Ҳудудлар орасида кузатилмайдиган иқтисодиётнинг энг катта улуши Сурхондарёда (56,5%). Ҳудудлар орасида яширин иқтисодиётнинг энг катта улуши Қорақалпоғистонда (14,5%, 0,8 фоиз бандига ўсган). 2024 йилдан бошлаб Ўзбекистонда яширин иқтисодиётнинг баҳоланган қисми ЯИМ таркибида ҳисобга олиб борилмоқда.