​Кузатилмайдиган иқтисодиёт улушда ва ҳажми кескин қисқарган, мўъжизанинг рецепти қанақа бўлди? 2026 йилнинг 1- ярим йиллиги якунлари билан кузатилмайдиган иқтисодиёт ҳажми 245,5 трлн.сўмн ташкил этган. Бу ЯИМнинг 22,9%ини ташкил этади. Бунда уй хўжаликлари ва жисмоний шахслар фаолияти 165,5 трлн.сўм (15,4%), яширин иқтисодиёт эса 80 трлн.сўмдан (7,5%) иборат бўлган. Ўтган йилнинг шу даврида очиқланган ҳисоботда кузатилмайдиган иқтисодиёт ҳажми 265,5 трлн.сўмни ташкил этган (ЯИМнинг 32,9%и), бунда уй хўжаликлари ва жисмоний шхаслар фаолияти 201,3 трлн.сўм (24,9%), яширин иқтисодиёт эса 64,2 трлн.сўм (8,0%) деб қайд этилган эди (бу маълумотлар қайта ҳисобланган бўлиши мумкин, лекин таркиби очиқланмаган). Демак, ўтган даврда кузатилмайдиган иқтисодиёт мундарижасида уй хўжаликлари ва жисмоний шахслар фаолияти 35,8 трлн.сўмга қисқарган бўлса, яширин иқтисодиёт эса 15,8 трлн.сўмга ошган. Тармоқлар ичида кузатилмайдиган иқтисодиёт қишлоқ хўжалигида 60,5% (ўтган йили шу даврда 75,1%), хизматларда 23,0% (35,2%), қурилишда 17,8%ни (35,9%) ташкил этган. Қурилишда кузатилмайдиган иқтисодиёт улуши 2 каррадан зиёдга қисқарган. Февралда янгиланган Стратегияга кўра, ЯИМдаги кузатилмайдиган иқтисодиёт улушини 2030 йилга бориб 23%гача қисқартириш вазифаси қўйилган эди. Бу вазифа муддатидан аввал бажрилган кўринади.