Бойсун газ конлари тақдири нима бўлади, конлар суғурталанганми? 5,8 миллиард долларлик “Мустақилликнинг 25 йиллиги” газ-кимё мажмуаси тақдири қандай бўлиши ҳақидаги саволлар очиқ қолар экан, Бойсундаги газ конларининг истиқболи ҳақида сўз очиш ортиқчадек туюлади. Лекин жиловлай олинмагани важлари нопрофессионаллик эмас, техноген омилларга буриб юборилган бўлса-да, Бойсун конлари муаммоси яна ва яна кун тартибига чиқаверади. Бойсунликларнинг дарди-фиғони эсдан чиқмайди, гоҳ у каналдан, гоҳ бу каналдан овозлар чиқиб келаверади. Ҳадеб вазирликдан расмий муносабат сўрайвериш ҳам тўғри эмас (унинг масъулияти бор, лекин регуляция билан чекланган). Конларнинг лицензиясига эгалик қилаётган, табиат ва жамият олдида мажбуриятларга эга оператори бор, конларни турли хатар ва зарарлардан суғурталаган суғурталовчилар бор. Шулардан сўров қилиш керакмасми энди? (ўзи аввал бошдан етказилган зарарлар учун сўроқ шуларга қаратилиши лозим эди).