Октябрда экспорт қилинган газ иссиқхоналарга бутун мавсумга етган бўларди Газета Экология миллий қўмитасида тақдим этилган маълумотлар билан бўлишмоқда. Тошкент ва унинг атрофида жисмоний ва юридик шахсларга тегишли 3 592 иссиқхона кўмир билан иситилади, фақат 53таси газ билан. 2 925 иссиқхона фаолиятини тўхтатган (юқоридаги сурат Тошкент ва унинг атрофида жойлашган иссиқхоналар жойлашуви). 1 гектар иссиқхонани куз-қиш мавсумида иситишга (5 ой) 175 минг куб газ талаб қилинади. Юридик ва жисмоний шахсларга тегишли барча иссиқхоналар учун жами 104,4 млн.куб газ керак бўлади, бу мамлакат истеъмолининг атига 0,5%и дегани (Тошкент вилояти истеъмолининг 2,1%и, Тошкент шаҳри ва вилояти истеъмолининг 0,7%и). Кўп бора такрорлаётганимиздек, газ экспорти тақиқланиши ва экспорт қилинаётган газ миллий иқтисодиётимизга берилиши керак. Бу нафақат иқтисодий мантиқ ва афзаллик масаласи, экология, табиат ва ўзликни асраш талаби ҳам.