Депутатлар “дефицит бўлса, нега газ экспортини тўхтатмаяпсизлар” деган саволниям беришмаган Кеча 70 минут давом этган энерговаъзхонлик бошланганида Ўзбекистонликлар қатори депутатлар ҳам метан заправкаларида чеклов бошлангани ҳақидаги хабарларни аллақачон ўқишганди. Мирзамаҳмудов билан савол-жавоб пайтида эса Фарғона водийсида ўнлаб газзаправкалар ёпилганди. Қўшни давлатдаги авария важиниям қўя турайлик, майли, импорт тақа-тақ тўхтаб қолган бўлсин, омборларда йиғилди дейилди газниям ҳисобга олмайлик, энергоёлғонларни рад этаётган математиканиям четга суриб турайлик, лекин моҳият бўйича депутатлар 6 млн.куб дефицит юз бераётган бўлса, нега газ экспортини тўхтатмадинглар дейиши керак эди. Депутатлар ўрнида марҳаматлик ўқитувчи, чустлик ошпаз ё бешариқлик қоровул бўлганидаям шу саволни берарди. Чунки расмий статистика рақамларини инобатга олсак ҳам, кунига 8,5-10 млн.куб газ экспорт қилинмоқда. Энерговазирнинг мантиғига кўра, газзаправкаларга чекловлар киритиб, ўзбекистонликларни, иқтисодиётимизни жазолаш мумкин, лекин газ экспортини тўхтатиб, ўртамчи олигархияни хафа қилиш мумкин эмас.