Бағдодда нима гаплар? Янги йил ўз йўлига, лекин тадбиркорлар тинч тургани йўқ. Савдони ривожлантириш, экспорт ҳажмини ошириш ва янги бозорларни очиш мақсадида улар Ироққа йўл олишди. Бағдоддаги учрашувлар аниқ йўналишга қаратилган. Янги экспорт шартномалари, ўзаро ҳамкорлик ва кооперация масалалари муҳокама қилинмоқда. Бу сафар шунчаки танишув эмас, аниқ натижага ишлаш учун ташкил этилган. Бугун рақобат кучли. Янги бозорлар ўз-ўзидан очилмайди (“сим-сим эшигингни оч” дейиш эртакларда). Уларга бориш, гаплашиш ва ишлаш керак. Бағдод сафари ҳам айнан шу мақсадга хизмат қилмоқда. Бундай интилиш ва ҳаракатни кўриб қойил қолмасликни иложи йўқ. Ҳаракатда барака! Бугун Ўзбекистон учун асосий учинчи экспорт йўналишига айланган Афғонистон бозори ҳам шундай очилгандику!