Янги даврда декабрь инфляцияси бирон марта 1%дан пастга тушмаган Марказий банк 2025 йил декабри учун инфляция кутилмалари сўровномасини ўтказмоқда. Бефарқ бўлмай, албатта сўровномада қатнашинг ва овозингизни беринг: @kutilmalar_dekabr_2025_bot Айтиш керакки, 10- йили бошланган янги дейиладиган даврнинг биронта декабрида инфляция 1%дан пастга тушмаган Ўзи куз-қиш ойлари (айниқса октябрдан февралгача) Ўзбекистонда инфляция йил давомида энг юқори даражага етадиган давр ҳисобланади. Гап фақат мева-сабзавотлар билан боғлиқ мавсумийлик омилининг юқорилигида эмас (ўзи нега биз каби минтақада жойлашган Қозоғистон ё Қирғизистонда мавсумийлик омили бизчалик эмас, деган саволга жавобни иқтисодиётимиз ёпиқлигидан излаш керак). Масала 9 йилдан бери ечилмаётган ва тобора чуқурлашиб бораётган, бозор ечими кўринмаётган энергетик муаммоларда. Ҳали мавжуд методологиямиз энергетик товарлар дефицитини ва узилишларни нархларга таъсирини ўргана олгани йўқ. Куз-қиш ойларида бодрингдан йўлкирагача, нондан сутгача нархлар ошиши, меҳнат унумдорлигининг пасайиши ва иқтисодий фаолликнинг барча секторларжа чўкишидан йўқотишларимизни ҳеч қурса инфляция контекстида тасаввур эта олишимиз керак.