ЕТТБ Асакабанк капиталига киришни режалаштирмоқда Иқтисодиёт ва молия вазирлиги, Европа тикланиш ва тараққиёт банки (ЕТТБ) ва Асакабанк ўртасида хусусийлаштиришнинг асосий тижорий шартларини белгилаб берувчи Term Sheet имзоланган. Ҳужжатга кўра, ЕТТБ томонидан Асакабанк акцияларининг 15 фоизини сотиб олиш кўзда тутилган. Келишилган шартлар, шу жумладан, транзацион, тартибга солувчи ва корпоратив-ҳуқуқий талаблар белгиланган тартибда тўлиқ бажарилганидан сўнг 2026 йилда ЕТТБнинг Асакабанк акциядорлари таркибига кириши белгиланмоқда. Эҳтимолки, бу қадам Асакабанкни ЕТТБ воситасида хусусийлаштириш жараёнининг амалий ибтидоси, тугалланишини эса 2027-2028 йиллардан кейин кутиш ўринли бўлади.