Эксклюзив ҳуқуқ эгаларининг нархлари ва тарифлари назорат қилиниши керак Қарор қабул қилувчиларнинг аксари таътилда бўлган 2026 йилнинг дастлабки 10 куни давомидаги нарх талатўплари кўрсатдики. Ўзбекистонда Рақобат билан боғлиқ қонунчилик ишламаяпти ёки фалажлантирилган. Ҳатто айрим корчалонларга нисбатан қонунчилик ишламаслиги ҳаркатсизлик орқали де-факто тан олинмоқда. Ўтган йили турли йўллар билан эксклюзив ҳуқуқларни қўлга киритган компаниялар номларини эълон қилмаслик лазейкаси кашф этилган бўлса, бу йилдан Президент фармони талабларига кўра ва барча белгилари бўйича эксклюзив ҳуқуқ эгалари бўлган корчалон компаниялар истеъмолчиларни очиқчасига камситиш ва талаш йўлига ўтишганида сукут сақлаш тажрибаси йўлга қўйилди. Маълумот учун, Эксклюзив ҳуқуқлар берилган хўжалик юритувчи субъектлар мазкур ҳуқуқ доирасида ишлаб чиқарадиган, сотадиган ёки сотиб оладиган товарлар (иш ва хизматлар) нархлари (тарифлари) ёки уларнинг чекланган даражаларини тартибга солувчи коэффициент, устама ёки чекланган рентабеллик нархларни тартибга солувчи ваколатли давлат органи томонидан уларни тасдиқлаш орқали тартибга солиниши керак.