Бош вазир ўринбосари Жамшид Ходжаев раислигида Ҳукумат комиссиясининг навбатдаги очиқ мулоқоти бошланди. Ушбу учрашув мева-сабзавот ва озиқ-овқат маҳсулотларини экспорт қилувчи тадбиркорларга бағишланган. Мулоқот кун тартибида қуйидаги масалалар бор: — мева-сабзавот экспортини ривожлантириш; — экспорт жараёнларида шаффофликни таъминлаш ва сунъий нарх пасайтириш ҳолатларининг олдини олиш; — саралаш, замонавий қадоқлаш ва қўшилган қийматни ошириш; — озиқ-овқат хавфсизлиги талаблари ва лаборатория тадқиқотлари; — хорижий бозорлар талаблари асосида экспортчиларни тайёрлаш; — ҳисобга олиш ва ҳудудий статистика тизимини такомиллаштириш. Тадбир анъанавий очиқ мулоқот форматида ўтмоқда — тадбиркорлар ўз савол ва таклифларини масъул вазирлик ҳамда идораларга бевосита билдирмоқда. Экспорт соҳасида фаолият юритаётганлар учун ушбу мулоқотда кўтарилаётган масалалар долзарб аҳамиятга эга. Эфирга уланиб, жараённи тўғридан-тўғри кузатиш мумкин.