Машина терими улуши 52 фоизга етган Бугунги йиғилишда пахта теримининг механизация даражаси 52 фоизга етгани, ўтган мавсумда 2,1 миллион тонна пахта машина ёрдамида йиғиб олингани айтилган. Бунинг ҳисобига кейинги беш йилда қўл меҳнати 1,8 баробар қисқарган. Навбатдаги вазифа ўлароқ пахтани машинада териш улушини камида 70 фоизга етказиш мақсадли кўрсаткич этиб белгиланган. Ишчи кучи нархи ошиб борар экан, қишлоқ хўжалигида рақобатбардошликни фақат механизациялаш орқали таъминлаш мумкин бўлади.