​Ўзбекистон гази ва электрини олиб-сотаётган иккита бассейн Очиқлик индексида яна йўқ Балки Коррупцияга қарши кураш агентлигига бу икки бассейн — UzGasTrade ва O‘zenergosotish ҳақида таҳлил қилиш, баҳолаш ва Очиқлик индексига қўшишга рухсат йўқдир. Ўзбекистон газининг қазиб олувчилардан сотиб олиш, улугржи сотиш, чўнтак воситачилар орқали экспорт ва импорт қилиш бўйича эксклюзив ҳуқуқ эгаси UzGasTrade ва электр энергия бўйича худди шундай ҳуқуқларга эга O‘zenergosotish ўтган йили ҳам рўйхатдан четда қолганди. Нима учун бу икки ёпиқ бассейн ҳақидаги маълумотлар Ўзбекистон халқи учун муҳим бўлиши керак? Чунки тубга инаётган шонли энергетикамиздаги барча шиширилган ва триллионлаб зарарлар шу икки нуқтада тўпланади ва бюджетдан триллионлаб субсидиялар айни шу компаниялар орқали ёпилиб, ўзлаштирилади. Идеалда Антикоррупция "импорт қилинди", "экспорт қилинди" ва "омборларда жамланди" дейилган ўзи йўқ газнинг қишда қаёққа гумдон бўлишининг илдизларини ҳам шу бассейнлардан излаган бўларди. Дарвоқе, Индексдан ўтган йили 98та субъект бўлган бўлса, бу йил 86тагача тушиб қолган. Шунингдек, ғаройиб сакрашлар ҳам кузатилади, айтайлик, ўтган йили қизилда бўлган Асакабанк бирдан яшилга сакраган (93дан 56га), Алоқабанк эса сариқдан қизилга тушган (68дан 78га). Тошкент вилояти ва пойтахт ҳокимликлари ҳам рўйхатдаги ўринларини кескин ёмонлаштирган. Андижон вилояти ҳокимлиги доимгидек жойида қолган.