“Дала чети қонуни” имзоланган Қишлоқ хўжалигига мўлжалланган ер участкаларининг дала четларидаги канал, суғориш ва коллектор-дренаж тармоқлари атрофидаги қонунчиликка мувофиқ қишлоқ хўжалиги маҳсулотларини етиштириш белгиланган майдонларида ва муддатларда мақбул экин экилмаганлиги учун жарима ва ер солиғи ставкасининг 3 карра оширилишини назарда тутувчи қонун 13 апрель куни имзоланган. Мазкур қонун лойиҳа пайти ва кейинги муҳокамалар жараёнида кўплаб баҳсларга сабаб бўлган эди. Қонун 3 ойдан кейин кучга киради, яъни амалда ПФ-27 билан эълон қилинган ва 2026 йил 1 июлгача кучда бўлган мораторий тугагач, ишга тушади. Айни пайтда, ПФ-50 билан белгиланган 2028 йил 1 январга қадар кичик ва ўрта бизнес субъектлари зиммасига янги мажбуриятлар юклатилишини назарда тутадиган норматив-ҳуқуқий ҳужжатларни қабул қилишга оид мораторий билан қандай муқояса бўлади, балки бунга Адлия вазирлиги аниқлик киритар. Шу билан бирга, Конституциянинг 99- моддаси ушбу қонуннинг қабул қилиниши мисолида ҳам ишламаётганини яна эслатишга тўғри келади (ҚП қонунни 2025 йил 15 июлда, Сенат эса 5 ой 13 кун аввал, 2025 йил 31 октябрда маъқуллаган). Балки депутат ва сенаторларимиз қабул қилинганига 3 йил бўлмаган Конституцияни яна бир ўқиб кўришар?